Zenbakiak eta irriak, orotarik anitz, hasebeterik bukatu zuten arratsaldea Azkaingo Bil Toki gelan bildu ziren haurrek, azaroaren 23an. Ahalmen urriko haurrak barne hartzeko Seaskako ikastoletan lanean ari den Integrazio Batzordeak haurren lotoa antolatu zuen eta ehun parte hartzaile baino gehiago bildu zituen. Hendaiatik Senperera, inguruko herrietako familia franko elkartu ziren. Haurrek ez dute bakarrik jokoaz eta euskaraz gozatu, izan ere sari anitz izan baitira irabazleentzat eta irabazi ez dutenentzat ere bai. Konten agertu dira antolatzaileak.
Haurren lotoak arratsalde osoa iraun zuen Azkaingo Bil Toki gelan.
Meritua animatzaileei, haur horien guzien arreta hiru orduz atxikitzen jakin baitzuten.
You must be logged in to post a comment.